Hljómsveitin kemur alla leið frá Virginíu í Bandaríkjunum til að halda dansleik til styrktar Raggagarði, Fjölskyldugarði Vestfjarða.    Miðaverð er 2000 kr  18 ára aldurstakmark

Ekki missa af frábærum dansleik sem aðeins verður haldin í þetta eins skipti á íslandi með þessari frábæru hljómsveit.

Í gærkveldi afhenti fyrrum Súðvíkingurinn Júlíus Ólafsson á Ísafirði Raggagarði 11 skilti, sem hann hefur fræst  nöfn stærstu styrktaraðila garðsins á.  Tréð er keypt frá skógrækt Ríkisins í Hallormstaðarskógi.  Júlíus gaf Raggagarði alla vinnuna við að fræsa út stafina í skiltin til minningar um Ragnar Frey en þeir kynntust þegar Júlli var með unglingadeildina í Björgunarsveitinni í Súðavík.  Gjöf til garðsins til minningar um góðan dreng, eins og Júlli orðaði það. 

Við færum Júlla hjartans þakkir fyrir styrkinn til Raggagarðs og er ætlunin að skiltin komin upp í garðinn 25 júní næstkomandi.  

Þeir sem vilja láta gera fyrir sig skilti af öllum gerðum og stærðum geta hringt í Júllatré í síma 8670372
 

Nú styttist óðum í vorið og framkvæmdir geta hafist í garðinum. Ekki verður framkvæmt mikið í ár vegna fjárskorts en þó eru nokkur verkefni sem verða kláruð í sumar. Stefnt er að setja upp álftirnar sem hlið í garðinn 13 júní. Fleiri mottur verða settar í kringum kastalann og jarðvegsgirðing sett upp á efra svæðinu svo eitthvað er nefnt. Vonandi fáum við heimsókn leik og grunnskólabarna á Vestfjörðum í vor. Okkur vantar aðstoð á vinnudögum í sumar og vonum við að starfsmannafélög eða félagsamtök taki sig saman og bjóði garðinum aðstoð sína með því að senda okkur tölvupóst. Þeir hópar sem hafa komið hafa haft mikla ánægju af því að koma og hjálpa til, njóta samveruna saman og fá kaffi og kleinur að launum.

Nýbakaðar ilmandi kleinur og kaffi verða til sölu á myndlistarsýningu siggu Maju í Samkomuhúsi Súðavíkur í dag frá kl:14.00 til 17.00 í dag. Endilega komið og sjáið málverk eftir Siggu Maju og njótið þess að fá nýbakaðar kleinur í leiðinni. Kaffið og kleinurnar er fjáröflun fyrir Fjölskyldugarð Vestfjarða.

Í dag sást til Álftarpara á tjörninni á Langeyri í Súðavík. Teljum við að þarna séu á ferðinni Askur og Embla hafa ákveðið að taka sér bólfestu í Raggagarði. Voru þau hjónakornin að taka sér smá sundsprett þar sem tjörnin er ófrosin að hluta og nutu góða veðursins. Það er sannarlega vorlegt að sjá fuglana spóka sig á tjörninni í þessari vorblíðu.

Raggagarður Verður 5 ára þann 6 ágúst í ár og að tilefni afmælisins er stefnt að því að halda fjölskylduhátíð í garðinum 6-8 ágúst í sumar. Vonumst við eftir því að geta verið með skemmtilega dagskrá fyrir börn og unglinga að tilefni dagsins. Þau félög fyrirtæki sem áhuga á því að vera með í afmælishátíðinni að hafa samband við framkvæmdastjóra garðsins. Einnig væri gaman að heyra í fólk um hugmyndir um efni í dagskrá. Að gefnu tilefni vil ég taka það fram að ekki verða birtar athugasemdir við blog nema gefið sé upp nafn og heimilisfang.